பெங்களூர் பிரியாணி

தேவையான பொருட்கள்:-

கோழி – 1 கிலோ

அரிசி – 1 கிலோ

எண்ணை – 100 கிராம்

நெய் – 150 கிராம்

பட்டை பிரியாணி இலை, கிராம்பு, ஏலக்காய் - தேவையான அளவு

வெங்காயம் – 500 கிராம்

தக்காளி - 500 கிராம்

இஞ்சி – 1 ½ ஸ்பூன்

பூண்டு – 1 ½ ஸ்பூன்

கொத்தமல்லி தழை - 1 கப்

புதினா – 1 ½ கப்

பச்சை மிள்காய் – 5

தயிர் – 1 கப்

சிகப்பு மிளகாய் தூள் – 1 ½ டீஸ்பூன்

மஞ்சள் பொடி – 1/2 டீஸ்பூன்

தணியா பொடி - 1 டீஸ்பூன்

கலர் பொடி – 1 சிட்டிகை

எலுமிச்சை பழம் – 1

நெய் – ஒரு டீஸ்பூன்

​செய்முறை:

ஓர் பெரிய சட்டியில் எண்ணையும் நெய்யும் ஊற்றி பாதி வெங்காயம் போட்டு பொன்னிறமாக பொரிக்கவும். அதனை தனியாக எடுத்து வைக்கவும்.

​

பின் அதில் பட்டை, கிராம்பு, பிரியாணி இலை, ஏலக்காய் போட்டு பொரிந்ததும் இஞ்சி, பூண்டு போட்டு வதங்கியதும் வெங்காயம் போட்டு நன்றாக கிளறவும். பிறகு பாதி கொத்தமல்லி புதினாவை போட்டு கிளறவும்.

​

பச்சை மிளகாய், மிளகாய்தூள், மஞ்சல்தூள், உப்பு தேவையான அளவு போட்டு வதங்கியவுடன் கோழி, தயிர், தனியா பொடி, ½ மூடி எலுமிச்சை சாறு, தக்காளி, மீதி கொத்தமல்லி, புதினா போட்டு வேக விடவும்.

​

கோழி நன்கு வெந்ததும் எண்ணைய் மேல் வரும்போது 1 கப் அரிசிக்கு 1 ½ கப் சூடு நீர் ஊற்றி கொதிக்க விடவும். தண்ணீர் நன்கு கொதித்ததும் கலர் பொடி உப்பு போடவும்.

​

அரிசியை 20 நிமிடம் முன்பே ஊறவைத்து நன்கு வடி கட்டவும்.

​

அரிசியை போட்டு நன்கு கிளறவும்.

​

அரிசி பாதி வேகும் வரை தீயை அதிகமாக வைக்கவும். முக்கால் பகுதி வெந்தவுடன் தீயை சுருக்கவும்.

பாதி எலுமிச்சை ஜூஸ் ஊற்றவும்.

​

சட்டியை சுற்றிலும் துணிகட்டி தம்மில் போடவும்.

​

10 நிமிடங்கள் கழித்து சுவையான பிரியாணி ரெடி.

​